سـمـعتي يا ستي قال عنا غاز !! بقلم محمد العبد حوراني

سـمـعتي يا ستي قال عنا غاز
وقـالـوا  ما عدنا للغرب نعتاز
ويمكن  مراعينا اللي خضرا بعد
ت تـنـحـفـظ نـعملها برواز

ورح نرجع نضوي بعشر قروش
والـفـقر  رح بنشيعو بنععوش
وبـدنا ع وج المي نتفة نطوش
وننسى  سراج ال بو فتيلة وكاز

مـعقول  يا ستي صحيح يصير
ويـطـلع بضيعتنا شي بير كبير
وتخلص  الضيعة من بلى التعثير
وتـزوج  وجيب لعروسي جهاز

بـس  الـعـدا سبقوك يا ستي
هـيـكـي  قريت اليوم ع النتي
ونـحـنا  بعد عم نشرب المتي
وجـدك رجـع عم يلبس القنباز

صبرك  يا ستي ما القرار وصار
شـوفي افتحي التلفاز ع الاخبار
مـن هـيـك كل الكون النا طار
ورح  يـتـركوا حجاجنا باعزاز

مـعـقـول بـكرا نغرق بنعمة
قـولـك يـا ستي بالعكس نقمة
خـيـي يا ستي ما اطيب اللقمة
لـمـا  لـغـير الرب ما بنعتاز

صـلـي يـا ستي وقول يا الله
مـش  هـم مينو بالحكومة فاز

الوسوم
اظهر المزيد
زر الذهاب إلى الأعلى