ساْلت الناس – محمد العبد حوراني

ساْلت الناس ليشن هيك صاروا
وكـيـف ما دارت الايام داروا
قـال الـبعض هيك الجو بدو
وبعضن عن سؤالي الوج داروا
سـاْلـت ختيار عمرو قد جدو
الـدهر ع جبهتو عمر غمارو
الـلي مثلو قلال بعدن ما نهدو
لاْنـو قـلـوبهم جوهر عيارو
ولاْنـو عـالمحبة العزم شدوا
ولاْنـو الكره طفوا بحب نارو
ولاْنـو ربـنـا بـالعمر مدو
بقي شاهد ع هالشعب ودمارو
وقـلـي سـماع مني ومد يدو
وبـاْيـدو التانية اْشر ع دارو
وبـنظرة قاسية ودمعة ع خدو
وحـلفلي بشيبتو وهيبة وقارو
الـصاحب صاحبك اوعى تعدو
ادا مـا سـنين غمقت بقرارو
وكـريم النفس اوعى لا تردو
ادا شـي يوم ضافك في مزارو
ولـئيم النفس اوعى تكون ندو
واشـفق ع فقير الناس جاروا
وحسود العين لا تسكن ب حدو
ولا تساْل عن غنايا كيف طاروا
الـرزق محتوم والاعمار بيدو
مـهـمـا عالدني اهلا تباروا
وسـيف الظلم مهما طال حدو
بـدو يـفـل مـهما عمر ظلو
ولا بـد الحق ما يشرق نهارو

محمد العبد حوراني

الوسوم
اظهر المزيد
زر الذهاب إلى الأعلى