ابوذيات لولادة الامام الحسن المجتبى (ع)…

إلك عـهـدي أولائي وانتمائي
خدمتك شرف عزي وانتمائي
أحـس حبك غـذائي وانتمائي
تضل أنت النفس والروح بيه
………
أبجاه أمك وأبوك وجاه وجهاك
شع نور الكمر من نور وجهاك
الكعبة توجهت من جهة وجهاك
صرت قبلة وعليك اتصلي هيه
…….
صومي أنت يبو صالح ولسحور
وبسـمك مـا يمض بيه ولسحور
يليلي وكل وقت عندي ولسحور
أذكـرك والـدموع تفيض بيه
………
لمن نورك بزغ أشرق وهلت
الزجيه بمولدك فرحت وهلت
دموع من الفرح صبت وهلت
لأنك من نسل حامي الحميه
………
فرح طه النبي بجيتك هلاهل
وسمعنه بدار فاطمته هلاهل
عطر من الحسن هله هلاهل
انفتح باب الكرم باب العطيه
……..
كـرم طه النبي بمولد حفيده
اخذ جبريل مـن ايده حفيده
الـكرم هليله للطـالب حفيده
من جيس الحسن يأخذ هديه
……..
سيئة الدنية بس حبك حسنها
الجنان ابتشرت وبين حسنها
الزجية تلألأت ولدت حسنها
وخصه بهل اسم رب البرية
……..
مصدر كـل كرم جفك والإحسان
حسنك ما اضن مثله والإحسان
نحن الشوفتك تدري والإحسان
زحف مولاي نمشي عله ألمنيه
……….
إلـف طير أبمحبتك حط والفطار
ثواب الصوم إلك اهدي والفطار
وعلى فراكك تره بكلبي والفطار
يبو محـمد ملكت الروح بيه
……….
الشاعر
اياد الفرح التميمي

الوسوم
اظهر المزيد
زر الذهاب إلى الأعلى